Aldaǵy ýaqytta qazaq fýtboly Eýropadan shyǵyp, Azııa qurlyǵyna qaıta oralýy múmkin

Bul týraly búgin QR Parlamenti Májilisinde ótken Úkimet saǵatynda Týrızm jáne sport mınıstri Temirhan Dosmhambetov pikir bildirdi.

«Fýtbol - bul buqaralyq-saıası sporttyń túri jáne biz buǵan barynsha kóńil bólemiz. Bólinetin qarajat ta az emes. Alaıda osy baǵytta aıtarlyqtaı nátıje joq. Men negizinen aldaǵy ýaqytta qazaqstandyq fýtboldyń Eýropada emes, Azııa qurlyǵynda bolǵanyn qalar edim. Olaı bolsa, biz qaısybir matchtardy jeńip, tipti 1-6 oryndar aralyǵy boıynsha talasý múmkindigin alar edik», - deıdi mınıstr T. Dosmuhambetov. Sonymen qatar vedomstvo basshysy búgingi kúni Qazaqstan Fýtbol federatsııasynyń prezıdenti Á. Jaqsybekovpen bul máseleni talqylaǵanyn aıtyp ótti.

«Al rezervterdi qamtýǵa keletin bolsaq, árıne biz ulttyq oıynshylardyń bolǵanyn qalaımyz. Búgingi kúni 27 adam Brazılııada jattyǵyp júr. Olar 14 jastan bastap 18-ge tolǵansha sol jaqta dop tebýdi tereń meńgerýleri shart. Bul jetkinshekter qazirdiń ózinde óte jaqsy ázirlikten ótip jatyr deýge bolady. Olardyń ekeýi Brazılııa ulttyq quramasynyń jastar quramyna ótti. Kelisimshart boıynsha osy daıyndyqtan ótýshilerdiń eshqaısysy shetelde qalyp qoımaıdy ári shartqa sáıkes daındyqtan keıingi jeti jyl boıy bizdiń ulttyq quramada oınaýǵa mindetti. Bul másele kelisimshartta naqty kórsetilgen. Meniń oıymsha, osy órender elge oralǵanda bizdiń fýtbol da eńsesin kóteretin shyǵar», - dedi T. Dosmuhambetov.