Aldaǵy ýaqytta qant tapshylyǵy qaıtalanbaıdy, baǵasy da túsedi - komıtet

ASTANA. QazAqparat – Aldaǵy ýaqytta qant tapshylyǵy bolmaıdy jáne onyń baǵasy tómendeıdi. Bul týraly búgin Astanada ótken qant zaýyttary basshylary men Saýda jáne ıntegratsııa mınıstrliginiń birlesken jıynynda Saýda komıtetiniń tóraǵasy Erjan Qazanbaev málim etti, dep habarlaıdy QazAqparat tilshisi.

«2028 jylǵa qaraı ózimizdiń óndiristen shyqqan qyzylshadan jasalatyn qant kólemi kóbeıedi. Aldaǵy ýaqytta jyl basynda bolǵandaı tapshylyq qaıtalanbaıdy. Qant baǵasy 500-510 teńge kóleminde bolady. Eger ózimizdiń otandyq qyzylshadan jasalatyn qant kólemi ósse, onda qanttyń baǵasy túsedi», - dep atap ótti Erjan Qazanbaev.

Onyń aıtýynsha, bıyl jyl sońyna deıin qant óndirýge qajetti shıkizat shet elderden ımporttalady.

Al 2028 jylǵa qaraı elimiz ımportty azaıtyp, Qazaqstanda qant qyzylshasynyń egistik kólemin ulǵaıtý josparlanǵan.