Aldaǵy ýaqytta elordada «elektrondyq karta» engizýdi qarastyrǵan jón - D. Nóketaeva
ASTANA. Sáýirdiń 21-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda «QR keıbir zańnamalyq aktilerine QR «elektrondyq úkimetin» damytý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Dınar Nóketaeva elordada «elektrondyq kartany» engizý týraly usynys jasady,
dep habarlaıdy QazAqparat.
«Máskeý qalasynda 2009 jyldan beri qalanyń elektrondyq bolashaǵy týraly tujyrymdama jobasy ázirlenip jatyr. Degenmen, qazirgi tańda atalǵan qalada 3,5 mln. adam qalanyń «elektrondyq kartasyn» qoldanady eken. Sonymen birge, Reseıdiń 42 aımaǵynda 17 negizgi aqparattandyrý baǵyttarynda jumys jasaıtyn 90 júıesi bar bolyp otyr. Jańaǵy máskeýlikterdiń «elektrondyq kartasy» arqyly búgingi kúni jastar da zeınet jasyndaǵylar da barlyq tólemderdi júzege asyryp keledi. Sondyqtan da, bunyń halyq úshin tıimdiligi de zor bolyp otyr», dedi depýtat. Onyń aıtýynsha, bundaı «elktrondyq karta» arqyly túrli jeńildikter, qarapaıym tólemder jasalady.
Osyǵan oraı, Komıtet tóraıymy Astana qalasynda da «elordalyqtardyń elektrondy kartasyn» engizý týraly usynys jasady. «Árıne, bul jobany júzege asyrý qomaqty qarajat talap etetini sózsiz, degenmen aldaǵy ýaqytta búkil dúnıeniń damýy elektrondyq baǵytta bolatyndyqtan osy máseleni de qaperde ustaǵan oryndy», dedi D. Nóketaeva.
