Aldaǵy ýaqytta elimizde «Ulttyq kitap kúni» merekesi atalyp ótilmek

Búgin Ál-Farabı atyndaǵy QazUÝ-dyń jýrnalıstıka fakýltetinde "Baspa mamandaryn daıarlaý jáne jumyspen qamtamasyz etý máseleleri" atty dóńgelek ústel qorytyndysy boıynsha osyndaı qarar qabyldandy.

Atalǵan shara QazUÝ-da respýblıkalyq deńgeıde jyl saıyn ótkizilip turmaq. Bunymen qatar baspagerler «Baspagerler forýmy» nemese «Baspagerler quryltaıy», «Baspagerler alqasy» sııaqty orta qalyptastyryp, ózara basqosýy dástúrge aınalatyn boldy. «Bul sharanyń barlyǵy baspagerler, BAQ ókilderi men fakýltettegi 103 stýdent bilim alyp jatqan kafedra arasyndaǵy baılanysty damyta otyryp, shákirt sheberligin arttyryp, olardyń bolashaqta óz mamandyǵy boıynsha jumysqa ornalasýyna uıytqy bolýdy kózdeıdi», - deıdi basqosýdy uıymdastyrýshysy «Baspa isi jáne BAQ dızaıny» kafedrasynyń meńgerýshisi Saǵatbek Medeýbekuly.

Esterińizge sala keteıik, sońǵy ýaqytta atalǵan kafedranyń uıymdastyrýymen baspa salasy boıynsha bilim berýdi jetildirý baǵytynda ózekti sharalar ótkizilip júr. Sonyń jalǵasy - búgingi basqosýǵa «Qazaq entsıklopedııasy», «Mektep», «Bilim», «Ana tili», «Jazýshy», «Jalyn», «Atamura», «Ekonomıka» jáne «Kókjıek» baspalarynyń dırektorlary, respýblıkalyq gazet bas redaktorlary Nurtóre Júsip, Shámshıddın Patteev qatysyp, óz oılaryn ortaǵa saldy, sheberlik saǵattaryn ótkizdi. Shara aıasynda baspalardyń kitap kórmesi jáne saýdasy ótkizildi. Sonymen qatar respýblıkalyq buqaralyq aqparat quraldarynyń ókilderi, baspagerler, polıgrafıster, kitap basý, taratý isiniń mamandary tarapynan stýdentterdi jumyspen qamtý, teorııalyq bilimi men óndiristik tájirıbe máselesi talqylandy.

«Ana tili» baspasynyń dırektory Jaqaý Dáýrenbekovtiń sózine qaraǵanda, búgingi kitap shyǵarý men taratýdaǵy, maman daıarlaý men jumys barysynda kezdesetin ózekti másele óte kóp. «Ásirese qazaq kitap kúıiniń jaǵdaıy nashar, qazaq kitaptarynyń jármeńkesi ótkizilmeıdi»,- dedi baspager, jazýshy. Dóńgelek ústelge jınalǵandar qazir aqparat taratylymynda ınternet rólin de talqylap, tıimdi paıdalaný joldarymen bólisti.

Jıyn sońynda baspa basshylary aldaǵy oqý jyldarynda stýdentterge arnaıy stıpendııa taǵaıyndaýdy qolǵa alatyndyqtaryn aıtty. Sonymen qatar óndiristik tájirıbeden ótýge stýdentterdi esh kedergisiz qabyldaıtyn boldy.