Aldaǵy ýaqytta elimizde eki telearna iske qosylady
ASTANA. 25 mamyr. QazAqparat /Aıdar Ospanalıev/ - Aldaǵy ýaqytta elimizde eki telearna iske qosylady. Bul týraly búgin Astanada ótip jatqan Bas redaktorlar klýby forýmynda Baılanys jáne aqparat mınıstri Asqar Jumaǵalıev aıtty.
Mınıstrdiń sózine qaraǵanda, «Mádenıet» telearnasy bıylǵy jyldyń qyrkúıek aıynda iske qosylsa, «Bilim» arnasy kelesi jyly habar tarata bastaıdy. «Bilim» arnasy mektep oqýshylaryna qajetti aqparattar tarady. «Bilim salasyndaǵy aqparattar tek Bilim jáne ǵylym mınıstrligimen birlesken túrde daıyndalady. Alaıda bul baǵyttaǵy jumystarǵa tek atalǵan mınıstrlik qana emes, bilim salasyna qatysy bar degen barlyq sala ókilderi atsalysýlary qajet. Bizdiń barlyǵymyzdyń qyzmetimiz túptep kelgende bilimmen baılanysty bolǵandyqtan bilim máselesi barlyǵymyzdy da tolǵandyrýy kerek. Sondaı-aq men barlyq mádenıet salasy mamandaryn «Mádenıet» arnasynyń qyzmetin jetildirýge atsalysýǵa shaqyramyn»,-dedi mınıstr.
