Aldaǵy ýaqytta eldegi barlyq kúsh-qýat qurylymdarynyń qyzmetin Qaýipsizdik keńesi úılestiretin bolady - Prezıdent
ASTANA. Tamyzdyń 17-si. QazAqparat - Aldaǵy ýaqytta eldegi barlyq kúsh-qýat qurylymdarynyń qyzmetin Qaýipsizdik keńesi úılestiretin bolady.
Bul týraly búgin Aqordada quqyq qorǵaý organdaryn reformalaý máselesine baılanysty ótken májiliste Memleket basshysy Nursultan Nazarbaev aıtty.
«Men Qaýipsizdik keńesine eldegi barlyq kúsh-qýat organdarynyń jumysyn úılestirip, olardyń qyzmetin jan-jaqty qadaǵalap otyrýdy tapsyramyn. Ulttyq qaýipsizdikti qamtamasyz etýdegi basty másele osy», dedi Memleket basshysy.
Sondaı-aq Prezıdent óziniń Ákimshiligi men úkimetke «Qazaqstan Respýblıkasyndaǵy quqyq qorǵaý qyzmeti men sot júıesi qyzmetiniń tıimdiligin arttyrý sharalary týraly» Jarlyqty júzege asyrý úshin qajetti sharalardyń barlyǵyn qolǵa alýdy jáne osy jumystar boıynsha bir aı ishinde is-sharalar josparyn bekitýdi tapsyrdy.
