Aldaǵy ýaqytta batyrlar jyry jınaǵy jaryq kóredi - M. Qul-Muhammed
ASTANA. 6 maýsym. QazAqparat /Qanat Mámetqazyuly/ - Aldaǵy ýaqytta batyrlar jyry jınaǵy jaryq kóredi. Bul týraly búgin QR Parlamenti Májilisinde ótken Úkimet saǵatynda Mádenıet mınıstri Muhtar Qul-Muhammed aıtty.
«Qazaqtyń dástúrli mýzykasy men mádenıetiniń úlgilerin júıeleý jáne olardy halyq pen bolashaq ıgiligine aınaldyrýǵa qatysty aýqymdy jumys júrgizilip jatyr. Ulttyq mádenıet úshin mańyzy zor bolyp tabylatyn jáne qoǵamda keńinen pikir týdyrǵan, tarıhymyzdy tuńǵysh ret júzege asqan biregeı jobalar «Qazaqtyń dástúrli myń kúıi» men «Qazaqtyń dásúrli myń áni» boldy. Keleshekte osy formatta batyrlar jyry men ult qaharmandary týraly jınaq shyǵarý oıda bar. Qazir osy baǵyttaǵy 47 batyrlar jyry jınaqtalyp, júıelinýde. Kelesi jyly osyny 50-ge toltyryp shyǵaratyn bolamyz», - deıdi M. Qul-Muhammed.
Sonymen qatar mınıstr «Qazaqfılm» «Mádenı murany» iske asyrý jyldarynda qalpyna keltirilgen tarıh jáne mádenıet eskertkishteri týraly 10 fılm túsirgenin atap ótti. Budan bólek, «Ulttyq mura» derekti fılmder toptamasy boıynsha da fılmder shyǵaryldy. Jalpy joba aıasynda 20 fılm jasalǵan.
