Aldaǵy ýaqytta 70-ten astam áleýmettik nysan energııa únemdeý ustanymdary boıynsha jańǵyrtylady
ASTANA. QazAqparat - Aldaǵy ýaqytta 70-ten astam áleýmettik nysan energııa únemdeý ustanymdary boıynsha jańǵyrtylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Investıtsııalar jáne damý mınıstrligi Indýstrıaldy damý jáne ónerkásiptik qaýipsizdik komıtetiniń tóraǵasy Amanııaz Erjanov málim etti.
Onyń atap ótýinshe, elimizde áleýmettik jáne bıýdjettik nysandardyń energııa tıimdiligin arttyrý úshin Dúnıejúzilik bankpen birlesip, arnaıy granttyq jobany iske asyrý bastalǵan.
«Joba aıasynda aldaǵy jyldar ishinde 70-ten astam mektep, balabaqsha, aýrýhana jáne qalalardaǵy kósheler energııa únemdeý ustanymdary boıynsha jańǵyrtylatyn bolady. Jalpy aıtqanda, energııa únemdeý saıasaty jáne qolǵa alynǵan is-sharalar nátıjesinde elimizde jalpy ishki ónimniń energııa syıymdylyǵy 18,6 paıyzǵa tómendep, Elbasynyń aldymyzǵa qoıǵan mindetteri nátıjeli oryndalady», - dedi A.Erjanov.
Sonymen qatar, komıtet basshysynyń sózine qaraǵanda, sońǵy jyldary elimizde jaryq kórgen energııa únemdeý salasyndaǵy 18 oqý ortalyǵy men 5 joǵary oqý orny shamamen 1 myń mamandy daıyndap shyǵarǵan.
