Aldaǵy tórt jylda JІÓ-niń 8,2% týrızmniń úlesinde bolady - mınıstrlik

NUR-SULTAN. QazAqparat – Mádenıet jáne sport mınıstrligi týrıstik salasyn damytýdyń 2026 jylǵa deıingi tujyrymdamasyn ázirledi. Oǵan sáıkes, aldaǵy 4 jylda jalpy ishki ónimdegi týrızmniń úlesi keminde 8,2 paıyzǵa jetedi, dep habarlaıdy QazAqparat tilshisi.

«Týrıstik salasyn damytýdyń 2026 jylǵa deıingi tujyrymdamasyna sáıkes, 2026 jylǵa qaraı elimizdiń jalpy ishki ónimdegi týrızmniń úlesi keminde 8,2 paıyzyn quraıdy. Al turý jáne tamaqtaný boıynsha kórsetiletin qyzmetter kólemi 2020 jylmen salystyrǵanda 17,3 paıyzǵa artady. 2026 jyly týrısterge qyzmet kórsetý salasynyń 90 paıyzy tsıfrlandyrýdan ótedi. Saıahat pen týrızmdi damytýdyń jahandyq ındeksi boıynsha Qazaqstan álemdik reıtınginde 50-oryn, al týrıstik servıs ınfraqurylymy damyǵan elder arasynda 70-orynǵa kóteriledi», - delingen usynylyp otyrǵan tujyrymdamada.

Eske salaı keteıik, bıyl Qazaqstanǵa 200 myńǵa jýyq sheteldik týrıst kelgen. Olardyń basym kópshiligi Almaty, Nur-Sultan qalalary men Qyzylorda jáne Mańǵystaý oblystarynda demalysyn ótkizgen.