Aldaǵy tórt jylda 34 jel elektr stantsııasynyń jobasy júzege asyrylady

NUR-SULTAN. QazAqparat – QR Energetıka mınıstri Nurlan Noǵaev jańartylatyn energııa kózderin damytý jospary týraly aıtty, dep habarlaıdy QazAqparat tilshisi.

«Qazirgi kezde elimizde qýaty 1528 MVt bolatyn 110 jańartylǵan energııa kózi nysandary qyzmet atqaryp keledi. Jyldyń aıaǵyna deıin qýaty 165 MVt bolatyn tórt nysandy paıdalanýǵa beremiz. Eger 1,5 myń MVt-ny taldaıtyn bolsaq, jelge qatysty 404 MVt, kún energııasyna 891 MVt, gıdroenergııaǵa 224 MVt, bıoenergııasyna 7,82 MVt tıesili», - dedi mınıstr Ortalyq kommýnıkatsııalar qyzmetinde.

Onyń aıtýynsha, jospar boıynsha 2020 jyly óndirilgen jalpy energııanyń 3 paıyzy jańartylǵan energııa kózderinen bolýy tıis.

«Biz bul jospardy oryndadyq. 2030 jylǵa qaraı osy kórsetkish 10 paıyzǵa jetip, 2050 jyly 50 paıyzǵa jetkizilýi tıis. Qazirgi kezde Úkimette gıdroenergetıkany damytý jóninde josparlarymyzdy bekittik. Aldaǵy tórt jyldyń ishinde 13 gıdroelektr stantsııasy, 34 jel elektr stantsııasy, 12 kún elektr stantsııasy jobasy júzege asyrylady. Osylaısha, 2025 jylǵa qaraı jańartylatyn energııa kózderinen alatyn qýat 3 myń MVt-qa jetkiziledi», - dedi N. Noǵaev.