Aldaǵy táýlikterde jańbyr jaýyp, kún sýytady
NUR-SULTAN. QazAqparat - 4-6 sáýir aralyǵynda elimizdiń birqatar batys óńirlerinde jaýyn-shashyn bolyp, kún sýytady. Bul týraly QazAqparat Qazgıdrometke silteme jasap habarlaıdy.
Jerorta teńiziniń belsendi tsıklony saldarynan Qazaqstannyń batys oblystarynda jaýyn-shashyn boldy. Kelesi 24 saǵatta bul tsıklon shyǵysqa qaraı jyljyp, onymen baılanysty atmosferalyq baǵyttar negizinen jańbyr jaýyp, respýblıkanyń kóptegen óńirlerinde ekpindi jel soǵady.
Soltústik oblystarda jańbyrdyń sýly qarǵa ulasýy múmkin, ońtústik oblystarda keı jerlerde kúshti jańbyr, naızaǵaı jáne burshaq jaýady dep boljanady.
Respýblıkamyzdyń soltústik bóliginde túngi temperatýra 0-den mınýs 5°S deıin tómendeıdi.
