Aldaǵy táýlikterde kún salqyndap, jaýyn jaýady - Qazgıdromet
NUR-SULTAN. QazAqparat - Qazgıdromet 12-14 tamyzǵa arnalǵan aýa raıy boljamyn jarııalady, dep habarlaıdy QazAqparat.
«Batys Sibirde ornalasqan tsıklon, respýblıkanyń shyǵys bóliginde áli de qolaısyz aýa raıyna áser etedi. Munda jańbyr jaýady. Shyǵysta jáne ońtústik-shyǵysta naızaǵaımen, burshaqpen jáne ekpindi jelmen birge, qatty jańbyr jaýady. Respýblıkanyń batys jartysynda da temperatýranyń tómendeýi kútiledi», - delingen habarlamada.
Sonymen qatar, eldiń soltústik, ortalyq jáne shyǵys bóliginde, aýa temperatýrasy túnde 5-13-ke deıin tómendeıdi, kúndiz 15-23 gradýs jyly bolady. Ońtústikte túnde 8-18-ge deıin, kúndiz 18- 34 gradýs ystyq boljanýda. Batysta túnde azdap tómendeıdi — 17-27, kúndiz 30-40 gradýsqa deıin ystyq bolady.