Aldaǵy táýlikterde Qazaqstannyń birqatar óńirlerinde jel kúsheıedi - Qazgıdromet
ASTANA. QazAqparat - Qazaqstannyń birqatar oblystarynda qatty jel turatyny jóninde eskertý jarııalandy, dep habarlady «Qazgıdromet» RMK.
«6-7 jeltoqsan kúnderi Qostanaı, Soltústik Qazaqstan, Aqmola, Pavlodar oblystarynda qar jaýyp, burqasyn bolyp, ońtústik-batystan soltústik-batysqa ótetin jel (15-20) soǵyp, jeldiń ekipin 25 m/s deıin kúsheıýi kútiledi. Aýa temperatýrasy túnde 26-31, keıbir jerlerde 34 gradýsqa deıin tómendeıdi. Aqtóbe oblysynda 20-25, keıbir jerlerde 30 gradýs aıaz bolady, Batys Qazaqstan, Atyraý oblystarynda 16-21, keıbir jerlerde 24 gradýs sýyq bolady. Mańǵystaý oblysynda termometr kórsetkishi 10-15, keıbir jerlerde 20 gradýsqa deıin tómendeıdi.
7 jeltoqsanda Ońtústik Qazaqstan, Jambyl, Almaty oblystarynda qalyń qar túsip, burqasyn bolady, soltústik-batystan soltústik-shyǵysqa qaraı soǵatyn jeldiń (15-20 m/s) ekpini ulǵaıady. 8 jeltoqsanda aýanyń temperatýrasy túnde 20-25, keıbir jerlerde 30 gradýs aıazdy kórsetedi.
