Aldaǵy táýlikterde Qazaqstannyń alty oblysynda kún ysı túspek
ASTANA. QazAqparat - Búgin jáne aldaǵy kúnderi elimizdiń birqatar óńirlerinde aptap ystyq saqtalady, dep habarlanǵan QR ІІM Tótenshe jaǵdaılar komıtetiniń saıtynda.
Atap aıtqanda, 14-18 shildede kúndiz Qaraǵandy, Jambyl oblystarynyń keı jerlerinde óte qatty ystyq 40-43°C kútiledi. 14-20 shildede Almaty oblysynyń keı jerlerinde +40, +43°C bolady. Sondaı-aq 14-17 shildede Ońtústik Qazaqstan, Qyzylorda oblystarynyń keı jerlerinde 46°C ystyq kútiledi. Al 18-20 shildede Shyǵys Qazaqstan oblysynyń keı jerlerinde aýa temperatýrasy +40 - +43°C deıin kóteriledi.
