Aldaǵy táýlikterde Qazaqstanda kún jylynady
ASTANA. QazAqparat - Qazgıdromet 25-27 qazan kúnderine qatysty aýa raıy boljamyn jarııalady, dep habarlaıdy QazAqparat.
Qazaqstannyń batysyna Edil ózeni saǵasynan kóshken aýa aǵyndary óńirge jaýyn-shashyn ákeledi. Osyǵan baılanysty, negizinen jańbyr jaýyp, aýa temperatýrasy tómendeıdi.
Al elimizdiń basym bóliginde aldaǵy eki kúnde kún jyly ári jaýyn-shashynsyz bolady. Kóp oblystarda aýa temperatýrasy 8-15°S, ońtústik pen ońtústik-shyǵysta 18-23 gradýs aınalasynda bolady, keı jerlerde 28°S-qa deıin kóterilýi múmkin.
Tek 27 qazan kúni soltústik, ortalyq jáne ońtústik oblystardyń keı jerlerinde atmosferalyq aǵyndardyń áserinen jańbyr jaýýy yqtımal.
