Aldaǵy táýlikterde elimizdiń kóp bóliginde kún sýytyp, jaýyn-shashyndy bolady
ASTANA. QazAqparat - 10-12 qazan aralyǵynda elimizdiń kóptegen oblystarynda kún sýytady, dep habarlaıdy «Qazgıdromet» RMK.
Demalys kúnderi Ortańǵy Oralda tereń tsıklon áserinen jaýyn-shashyn túsip, elimizdiń basym bóliginde aýa temperatýrasy tómendeıdi. Qazaqstannyń batysynda, soltústik-batysy men soltústiginde kúndiz 3-8 gradýs jyly bolady. Respýblıkamyzdyń ońtústik-shyǵysy men shyǵysynda kún raıy jazdaǵydaı, aýa temperatýrasy kúndiz +25+33ºS deıin ysıdy. Biraq kelesi jumys aptasynyń basynda atalǵan óńirlerde ystyq qaıtyp, jańbyr jaýady.
