Aldaǵy táýlikterde eldiń batysynda jaýyn-shashyn túsip, basqa óńirlerde kún jylynady
ASTANA. QazAqparat - Taıaý kúnderi Qazaqstannyń batysynan ystyq qaıtyp, eldiń basqa óńirlerinde de aýa raıy ózgeredi, dep habarlady «Qazgıdromet».
«Reseıdiń eýropalyq aýmaǵynda qalyptasqan tsıklon Qazaqstannyń batys óńirine kópten kútken jaýyn-shashyn ákep, bul aımaqta kún sýytady», delingen habarlamada.
«Respýblıkamyzdyń ózge óńirlerinde de aýa raıy ózgeredi dep kútilýde. Sýyq jańbyr men túngi temperatýranyń tómendeýine ákelgen soltústik aǵyndar ońtústik-batysqa qaraı oıysady. Aldaǵy úsh kúnde kúndizgi temperatýra 25-33º jyly, ońtústik jáne ońtústik-shyǵysta 28-38º jyly bolmaq. Bul rette jaýyn-shashyn sirkirep, ekpindi jel soǵýy múmkin», - deıdi sınoptıkter.
