Aldaǵy táýlikterde el aýmaǵynyń basym bóliginde aıaz túsip, boran bolady
ASTANA. QazAqparat - 15-17 aqpan aralyǵynda Qazaqstannyń basym bóliginde qar, burqasyn jáne úskirik jel kútiledi, dep habarlaıdy «Qazgıdromet» RMK.
«Elimizdiń shyǵys aımaqtaryndaǵy tsıklon men atmosferalyq aǵynnyń eki júıesi baılanysyp tur. Atalǵan aǵyndar Qazaqstan aýmaǵymen ótkende birqatar óńirlerde qar jaýyp, burqasyn bolady. Ońtústik pen ońtústik-shyǵystaǵy taýly óńirlerde aldaǵy táýlikterde jaýyn-shashyn kútiledi»,-dep jazylǵan habarlamada.
Atmosferalyq aǵyndardyń artynan Reseıdiń Eýropa bóligindegi soltústik-batys aýdandardan aýqymdy antıtsıklon kelmek. Sonyń áserinen el aýmaǵynda aıazdy kúnder saqtalady.
