Aldaǵy táýlikterde el aýmaǵynyń basym bóliginde aptap ystyq bolady
ASTANA. QazAqparat - «Qazgıdromet» RMK maýsymnyń 22-24 kúnderine arnalǵan aýa raıy boljamyn jarııa etti, dep habarlaıdy QazAqparat.
Batys Sibir arqyly belsendi tsıklondar birinen keıin biri almasyp jatyr. Sonyń saldarynan Qazaqstanda keı jerlerde ótkinshi jańbyr jaýyp, naızaǵaı oınaıdy, burshaq jáne 15-25 m/s daýyldy jel turady dep kútilýde.
«Respýblıkanyń batysy men soltústiginde atmosferalyq aǵyndardyń ótýinen aýa temperatýrasy normaǵa jaqyn jáne tómen bolady dep kútilýde. Al qalǵan aýmaqta temperatýra klımattyq normadan 4-7ºS joǵary bolady. Qazaqstannyń ońtústiginde aldaǵy táýlikterde aptap ystyq, kúndiz 33-39ºS, keı jerlerde 40-45ºS bolady dep boljanýda», - delingen habarlamada.
Astanada 22 maýsym kúni kóshpeli bult shyǵady, jaýyn-shashynsyz. Batys, ońtústik-batystan 9-14 m/s jyldamdyqpen jel soǵady. Temperatýra túnde +14+16°S, kúndiz +29+31°S.
23 maýsym kúni kóshpeli bult shyǵady, ótkinshi jańbyr jaýyp, naızaǵaı jarqyldaıdy. Shyǵystan soǵatyn jeldiń ekpini kúndiz 15-20 m/s deıin jetedi. Synap baǵanasy túnde +18+20°S, kúndiz +26+28°S.
24 maýsym kúni kóshpeli bult shyǵyp, ótkinshi jańbyr jaýady, naızaǵaı oınaıdy. Soltústik-batystan 15-20 m/s jyldamdyqpen jel soǵady. Temperatýra túnde +16+18°S, kúndiz +25+27°S.
Almatyda 22 maýsym kúni kóshpeli bult shyǵady, jaýyn-shashynsyz. 0-5 m/s jyldamdyqpen jel soǵady. Temperatýra túnde +20+22°S, kúndiz +32+34°S.
23 maýsym kúni kóshpeli bult shyǵady, ótkinshi jańbyr jaýyp, naızaǵaı jarqyldaıdy. 10m/s jyldamdyqpen jel soǵady. Temperatýra túnde +20+22°S, kúndiz +31+33°S.
24 maýsym kúni kóshpeli bult shyǵady, ótkinshi jańbyr jaýyp, naızaǵaı jarqyldaıdy. Jel turady 2-7, jyldamdyǵy 10m/s. Temperatýra túnde +20+22°S, kúndiz +28+30°S.
