Aldaǵy shildede Qulager eskertkishiniń ashylýyna oraı alǵash ret «Qulager-alaman» báıgesi ótkiziledi
STANA. Sáýirdiń 10-y. QazAqparat /Gúlmıra Álıakparova/ - Aǵymdaǵy jylǵy shilde aıynyń 6-sy kúni «Astana-Kókshetaý» avtobanynyń boıynda Qulager eskertkishiniń ashylýy bolady. Qazaqstan Respýblıkasy At sporty qaýymdastyǵy bul saltanatqa oraılastyryp alǵash ret «Qulager-alaman» báıgesin ótkizbek.
Búgin QR Týrızm jáne sport mınıstrliginde Qazaqstannyń atbegileri, tóreshileri, shabandozdar men jalpy at mamandarynyń qatysýymen ótken keńeste Ulttyq At sporty qaýymdastyǵynyń vıtse-prezıdenti Sádibek Túgel, uly dalanyń dańqty tulpary - Qulagerge arnalǵan músinniń ashylýy aldaǵy shildeniń 6-syna belgilenip otyrǵanyn aıtyp, oǵan atalmysh Qaýymdastyqqa múshe barlyq 17 respýblıkalyq qaýymdastyqtyń ókilderi, sondaı-aq Reseı, Qytaı, Mońǵolııa men basqa da elderden qonaqtar qatysatynyn jetkizdi.
S.Túgeldiń aıtýynsha, eskertkishtiń ashylýy barysynda ulttyq oıyndardyń barlyq túrlerinen jarystar uıymdastyrylatyn bolady jáne alǵash ret «Qulager-alaman» (40 shaqyrymǵa) báıgesi ótpek. Bas júldege djıp avtokóligi tigilip otyr.
Aıta keteıik, taza mystan quıylǵan Qulager eskertkishiniń jalpy uzyndyǵy 8, bıiktigi - 5 metr, salmaǵy - 5 jarym tonna. Músin S.Túgeldiń ıdeıasy boıynsha ornatylýda, onyń avtory - sáýletshi Sultan Ilıaev.
Sondaı-aq, 2010 jylǵy tamyzdyń 28-i kúni Konstıtýtsııa kúnine oraılastyrylyp QR Prezıdentiniń Kýbogy úshin at sportynan 12-shi halyqaralyq týrnır ótedi. Saıys alańy - Almaty oblysyndaǵy «Kókbastaý» ıppodromy.
