Aldaǵy senbide elordada jasóspirimder arasynda bokstan Álem chempıonaty bastalady

dep habarlady Astana qalalyq týrızm, dene tárbıesi jáne sport basqarmasynyń baspasóz qyzmetinen.

Vedomstvonyń málimetine sáıkes, baıraqty básekede el namysyn Oljas Qalaýbek (46 keli), Zańǵar Temirhan (48 keli), Álibek Basapa (50 keli), Raýan Zatýlla (52 keli), Bekjan Qıbatqalıev (54 keli), Erbolat Ermekov (57 keli), Aıan Qalybekov (60 keli), Dáýitbek Qaıyrgeldi (63 keli), Aqylbek Ádilǵazıev (66 keli), Dáýlet Baıǵabatov (70 keli), Asqar Dúısáli (75 keli), Tilek Qozbaqov (80 keli), Dıdar Tólen (+80) qorǵaıdy.

Dúbirli dodada baq synaıtyn sportshylarymyzdy jattyqtyryp jatqan elimizdiń jasóspirimder jáne jastar arasyndaǵy bokstan úılestirýshisi, álem chempıony Galıb Jafarov: «Mundaı jarysty elimizde ótkizý bokstyń damýyna, elimizde sporttyń qanat jaıýyna zor qarqyn beredi», - deıdi.

Aıta keteıik, 2009 jyly alǵash ret uıymdastyrylǵan álem chempıonatyna 47elden 283 bylǵary qolǵap sheberi qatysqan bolatyn. Qazaqstan sol chempıonatta 3 kúmis, 1 qola medalmen jalpykomandalyq esepte 9 orynǵa taban tiregen edi.