Aldaǵy saılaýǵa daýys berý belsendiligi óte joǵary deńgeıde bolmaq - N. Erimbetov

ASTANA. QazAqparat - Saılaýshylardyń aldaǵy saılaýǵa qatysý belsendiligi joǵary bolmaq. Bul týraly búgin Astanada ótken baspasóz máslıhatynda QR Saılaýdy baqylaý jónindegi respýblıkalyq qoǵamdyq komıssııa tóraǵasy Nurlan Erimbetov málim etti.

«Komıssııa músheleri oblys jáne aýdan ortalyqtarynda, shalǵaıdaǵy aýyldarǵa baryp, sapar barysynda jergilikti partııalyq uıymdardyń jetekshilerimen, kandıdattarmen, saılaýshylarmen kezdesýler ótti. Bul turǵyda áriptesterim qoǵamnyń kóńil-kúıin baıqap, usynystar men eskertýlerdi tyńdaý maqsatynda saparlap keldi», - dep toqtaldy N. Erimbetov.

Sonymen qatar ol sońǵy kezde TMD baıqaýshylarymen pikir almasqanyn, taıaý ýaqytta ShYU baıqaýshylarymen kezdesetinin, sondaı-aq aldaǵy kezde ózge de uıymdardyń ókilderimen pikir alamasý bolatynyn atap ótti.

N. Erimbetovtyń sózinshe, búginde saılaýshylar aldaǵy saılaýǵa qatysýǵa belsendi nıet tanytýda. Osy oraıda daýys berýge qatysý óte joǵary deńgeıde bolady dep kútilýde.

«Bundaı pikirdi men áleýmettik zertteýlerdiń málimetine súıenip emes, saılaýshylarmen bolǵan kezdesý kezinde qalyptasqan áserim boıynsha aıtyp otyrmyn. Biz úshin eń bastysy saılaý kúni zań buzýshylyqtarǵa jol bermeý. Sondyqtan da nasıhattaý jumystary tıisti deńgeıde júrip jatyr, ıaǵnı aqparattyń barlyǵy adamdar úshin qoljetimdi»,-dedi ol.

Óz kezeginde komıssııa múshesi Ádil Ahmetov Aqtóbe oblysynda bolǵanyn aıta kele, onda nasıhat jumystarynyń barysymen tanysyp, saıası partııalardyń shtab-páterine barǵanyn jetkizdi.

«Partııalar ókilderiniń kózqarasy óte jaqsy. Olar elimizge tynyshtyq, birlik kerek ekenin, sonyń arqasynda damyp, órkendeıtinimizdi alǵa tartýda. Barlyq partııanyń ókilderi osy sózderdi aıtty. Jalpy, halyq jeke adamdarǵa emes, partııanyń baǵdarlamasyna daýys beredi. Barlyǵynyń kózi ashyq, kókiregi oıaý»,-dedi Á. Ahmetov.