Aldaǵy saılaýda parlamenttik oppozıtsııaǵa kóp jeńildik berilip otyr - Samat Nurtaza

NUR-SULTAN. QazAqparat –Eýrazııalyq ıntegratsııa ınstıtýtynyń sarapshysy Samat Nurtaza Prezıdenttiń Májilis jáne máslıhat depýtattarynyń saılaýy týraly úndeýine qatysty pikir bildirdi, dep habarlaıdy QazAqparat tilshisi.

«Osy saılaý zańdy júzde josparlaǵan ýaqytynda bolyp jatyr. Ekinshiden Prezıdenttiń úndeýin oqı otyryp, parlamenttik oppozıtsııaǵa óte kóp jeńildik jasalǵanyn kórip otyrmyn. Kádimgideı parlamenttik oppozıtsııa bolyp bılikti synaıtyn, bılikke jón úıretetin, kemshilikterin baıqap, aıta alatyn organ paıda boldy deýge bolady. ıAǵnı parlamenttik opozıtsııaǵa berilip otyrǵan múmkindikter bizdiń elimizdiń demokratııalyq baǵytta kele jatqanyn aıǵaqtaıdy. Sondyqtan meniń oıymsha bul degenimiz – naǵyz lıberalızatsııanyń belgisi. Prezıdenttiń búgingi úndeýi túsingen adamǵa kóp nárseni ózgertedi», - dedi Samat Nurtaza QazAqparat tilshisine telefon arqyly bildirgen pikirinde sarapshy.

Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalaǵan bolatyn.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy», - dedi Prezıdent úndeýinde.