Aldaǵy saılaý el, demokratııalyq qundy­lyq­tardy nyǵaıtý úshin úlken mańyzǵa ıe - respýblıkalyq basylymdarǵa sholý

ASTANA. 14 qańtar. QazAqparat - Qazaq aqparat agenttigi respýblıkalyq basylymdarda 14 qańtar, senbi kúni shyqqan ózekti materıaldarǵa sholýdy usynady.

***

Memleket basshysy Nursultan Nazarbaev aldaǵy Parlament Májilisi men máslıhattar saılaýyna baılanysty úndeý jarııalady. «Egemen Qazaqstan» gazetiniń senbilik sanynda jaryq kórgen Elbasy Úndeýinde: «Aldaǵy saılaý el, demokratııalyq qundy­lyq­tardy nyǵaıtý úshin úlken mańyzǵa ıe. Memleket tarapynan ashyq, ádil, móldir jáne básekeli saılaý ótkizý úshin barlyq jaǵdaı jasalǵan. Elektorattyq naýqannyń barlyq kezeńde­rin­de zańdylyqtyń saqtalýy qamtamasyz etildi. Saıası partııalarǵa buqaralyq aqparat qural­daryna teńdeı qoljetimdilik berildi. Barlyq saılaý úderisine qatysýshylar saılaýshylardy ózderiniń saılaýaldy tuǵyr­na­malarymen tanystyrý úshin keń múmkin­dik­ke ıe boldy. Bizdiń azamattarymyz sonymen bir mez­gilde saıasatkerlerdiń sóz saptastaryn baqy­laı otyryp, kimniń kim ekenin kórdi», - delingen.

Keshe Konstıtýtsııalyq Ke­ńes tóraǵasy I.Rogovtyń besinshi saılanatyn Qazaqstan Respýblıkasy Parlamenti Má­jilisi depýtattarynyń kezekten tys saılaýyna jáne máslıhattar depýtattarynyń kezekti saılaýyna monıtorıng jasap júrgen halyqaralyq baıqaýshylar mıssııalarymen kezdesýleri ótti. Osy júzdesýler «Egemen Qazaqstan» gazetiniń senbilik sanynda jarııalanǵan «Konstıtýtsııalyq keńestegi áńgime» degen taqyryptaǵy maqalaǵa arqaý bolǵan. Basylymnyń atap ótýinshe, kezdesý barysynda I.Rogov elimizdiń basshylyǵy aldymyzda kele jatqan saılaýlardyń Kons­tı­týtsııaǵa jáne halyqaralyq stan­darttarǵa saı ashyq ári ádil ótýine úlken mán berip otyr­ǵa­nyn atap ótti.

                                                                                            ***

«Kazahstanskaıa pravda» gazetiniń jazýynsha, keshe Aqordada Memleket basshysy Nursultan Nazarbaev EQYU PA qurmetti prezıdenti, EQYU Par­lamenttik Assambleıasynyń Qa­zaq­standaǵy kezekten tys parla­ment­tik saılaýdy baıqaý jónindegi delegatsııasynyń basshysy Joao Soareshty qabyldady. Áńgimelesý barysynda aldaǵy Qazaq­standaǵy parlamenttik saılaý máselesi men baıqaýshylar mıssııasynyń qyz­meti talqylandy. Memleket basshysy Joao Soareshke Qazaqstannyń EQYU-ǵa tóraǵalyq etýine jáne 2010 jyly Astana sammıtin ótkizýge qoldaý kórsetkeni úshin óz rızashylyǵyn bildirdi. Joao Soaresh Qazaqstannyń damyp, elde orasan ózgerister bolyp jatqanyna óziniń súısinetinin atap ótti. Ol Pre­zı­denttiń Jańaózen qalasynda parlament­tik saılaý ótkizý týraly sheshimin oń baǵalaǵanyn, EQYU baıqaýshylary­nyń biraz bóligi Jańaózende jumys isteıtinin atap kórsetti.