Aldaǵy reforma árbir quqyq qorǵaý organdarynyń quzyretin naqty aıqyndaýy tıis - Q. Toqaev
ASTANA. Aqpannyń 4-i. QazAqparat /Qanat Mámetqazyuly/ ‑ Elbasynyń Joldaýyna sáıkes júrgiziletin aldaǵy reforma árbir quqyq qorǵaý organdarynyń quzyretin naqty aıqyndaýy tıis.
Búgin QR Parlamenti Senatynyń jalpy otyrysynda QR Prezıdentiniń Joldaýyna qatysty negizgi erejelerge toqtalǵan palata Tóraǵasy Qasym-Jomart Toqaev osylaı málim etti, dep habarlaıdy QazAqparat.
«Memleket basshysy quqyq qorǵaý júıesin reformalaýǵa aıryqsha kóńil bólip otyr. Endi, azamattardyń, zańdy tulǵalar men sheteldik ınvestorlardyń senimi - quqyq qorǵaý organdarynyń qyzmetin baǵalaýdyń basty kórsetkishi bolmaq. Elbasy salada oryn alyp otyrǵan kemshilikterdi atap ótkeni belgili. Sondyqtan aldaǵy reforma árbir quqyq qorǵaý organdarynyń quzyretin naqty aıqyndaýy tıis. Bul baǵytta bizdi aýqymdy jumystar kútip tur. Eń bastysy, zańdardy gýmanızatsııalaý men olardyń sapasyn arttyrý qajet. Al olardyń oryndalýy únemi parlamenttik jáne qoǵamdyq baqylaýda bolǵany abzal», dedi Q. Toqaev.
