Aldaǵy onjyldyqta adamzattyq kapıtal mańyzy arta túsedi - E. Orynbaev
STANA. Sáýirdiń 26-sy. QazAqparat /Rýslan Ǵabbasov/ - Bilim berý júıesiniń maqsaty - bilim men tehnologııalar boıynsha qalys qalmaý.
Bul týraly búgin Astanada ótip jatqan TMD elderi muǵalimderiniń, bilim salasy qyzmetkerleriniń І sezinde Úkimet basshysynyń orynbasary Erbol Orynbaev málim etti, dep habarlaıdy QazAqparat.
Aıta keteıik, forýmǵa Qazaqstan, Ázirbaıjan, Belarýs, Armenııa, Qyrǵyzstan, Reseı, Moldova, Tájikstan memleketterinen shaqyrylǵan 500-den astam delegat qatysýda. Eki kúnge sozylatyn shara oqytýshylar mártebesin arttyrýǵa, sondaı-aq ulttyq bilim jáne ǵylym júıesindegi yntymaqtastyqtyń budan arǵy jańa baǵyttaryn aıqyndaýda tyń ıdeıalardy ortaǵa saýǵa negizdelip otyr. Sonymen birge forýmda bilim berý úderisindegi pedagogıkalyq ǵylymnyń normatıvtik, oqý-ádistemelik súıemeldeýge qosar úlesi men problemalary sóz bolmaq. Atap aıtqanda, zaman talabyna saı jańa býyn oqýlyqtaryn ázirleý, bul baǵyttaǵy problemalar, mekteptik bilim berýdi damytýdaǵy muǵalimniń róli, joǵary bilim máseleleri qaralady.
«Jahandaný jaǵdaıynda memleketterdiń turaqty damýy kóbinese bizdiń halyqtar arasyndaǵy qazirgi kezdegi ózara qarym-qatynasty saqtap qalýǵa baılanysty. Biryńǵaı tarıh jáne týysqandyq jaqyndyq, mıllıondaǵan adam taǵdyrynyń toǵysýy, ortaq maqsatqa umtylý - bizdiń qazirgi jáne bolashaǵymyzdyń berik negizi»,-dedi E. Orynbaev TMD elderi muǵalimderiniń, bilim salasy qyzmetkerleriniń І sezinde. Úkimet basshysynyń orynbasary aldaǵy onjyldyqta adamzattyq kapıtal mańyzy arta túsetinin, jahandyq básekelestik joǵarylaıtynyn, sondaı-aq bıotehnolgııanyń, ınformatıkanyń, nanotehnologııanyń jáne ǵylymnyń basqa da salasyna negizdelgen jańa tehnolgııalyq tolqyn keletinin atap ótti.
