Aldaǵy onjyldyq ındýstrııalyq-ınnovatsııalyq qarqyndy damýmen bastalmaq - Á. Ahmetjanov
Aldaǵy onjyldyq ındýstrııalyq-ınnovatsııalyq qarqyndy damýmen bastalmaq. Bul týraly búgin Astanadaǵy Qazaqstan-Reseı ýnıversıtetinde QR Prezıdentiniń el halqyna arnalǵan bıylǵy Joldaýyn talqylaý jáne túsindirýge arnalǵan kezdesýde «Bolashaq» qaýymdastyǵynyń múshesi-«QazMunaıgaz» UK» AQ-nyń barlaý jobalary boıynsha bas menedjeri Ánýar Ahmetjanov aıtty, dep habarlaıdy QazAqparat.
«Bolashaq» qaýymdastyǵynyń múshesi, Qazaqstan ótken 10 jyldyq kezeńde kóptegen jetistikterge jetkenin, al aldaǵy onjyldyq ındýstrııalyq-ınnovatsııalyq qarqyndy damýmen bastalatynyn aıta otyryp, kezdesýge qatysqan stýdentterdi bul úrdisterge belsendi atsalysýǵa shaqyrdy.
Onyń aıtýynsha, tek jaqsy baǵalarǵa oqý jetkiliksiz, eldiń kórkeıýine qosar úlesteri men alǵan bilimderin tıimdi paıdalaný joldaryn búginnen bastap qarastyrý qajet. Al memleket men úshin ne istep beredi eken dep otyra berý, búgingi kúnniń jastaryna esh laıyq emes.
«Sońǵy 10 jylda eldiń ındýstrııalyq-ınnovatsııasy qaryshtap damydy. Bul ýaqyt aralyǵynda munaı-gaz salasynda da ilgerindi jyljýlar boldy. Máselen, 2000 jyly Qazaqstanda munaı óndirý 30 mln. tonnany qurasa, ústimizdegi jyly bul kórsetkishti 80 mln-ǵa ulǵaıtý kózdelip otyr», - dedi ol.
Sondaı-aq onyń atap kórsetýinshe, zamanaýı tehnologııalardy engizýdiń arqasynda sońǵy on jylda Qazaqstanda 20 teńiz uńǵysy burǵylanǵan, al 2000 jylǵa deıin mundaı jumystar múldem júrgizilmegen.
