Aldaǵy on kúnde Qaraǵandy oblysynda sý tasqynynyń beti qaıtady - vıtse-mınıstr Ilın
ASTANA. QazAqparat - QR Іshki ister vıtse-mınıstri ıÝrıı Ilınniń aıtýynsha, Qaraǵandy oblysynda sýdyń astynda qalǵan eldi mekenderdiń barlyǵy - Nura ózeniniń boıynda ornalasqan aýyldar, dep xabarlaıdy QazAqparat tilshisi.
«Samarqand qoımasyna sý kóptep jınalǵannan keıin ony beri qaraı jiberip otyrý týraly sheshim qabyldanǵan bolatyn. Áıtpese, bógettiń ózi buzylatyn edi. Endi, qarańyz, osydan bir apta buryn Samarqand sý qoımasy arqyly shamamen sekýndyna 40 tekshe metr sý jiberilse, bir jetiniń ishinde atalǵan kórsetkish 1 000 tekshe metrge jetken. Árıne, sýdyń ondaı kólemi ózen arnalaryna syımaı, jaqyn jerge jaıylyp ketti. Qazirgi kezde Samarqand sý qoımasyna keletin sýdyń kólemi azaıyp jatyr. Sosyn Nura ózeniniń uzyndyǵyn eskersek, aldaǵy on kúnde sý tasqyny toqtaıdy degen boljam bar», - dep atap kórsetti Ilın búgin Astanada ótken baspasóz máslıxatynda.
Aıta keteıik, búgingi baspasóz máslıxatynda vıtse-mınıstr bir aptanyń ishinde Jabaı ózenindegi sýdyń deńgeıi tómendeıtinin jetkizdi. Sondaı-aq ol mınıstr Qalmuxambet Qasymovtyń Atbasar kentindegi sý toǵanynyń buzylýyna baılanysty qylmystyq isti qozǵaýdy tapsyrǵanyn málimdedi.
