Aldaǵy merekelik kúnderge oraı elordanyń jol polıtsııasynyń jumysy kúsheıtildi
ASTANA. 30 jeltoqsan. QazAqparat - Jańa jyl merekesi kúnderi jol qozǵalysy qaýipsizdigin qamtamasyz etý maqsatynda Astana qalasynyń jol polıtsııasy 31 jeltoqsan men 2012 jyldyń 3 qańtaryna deıin kúsheıtilgen tártipte jumys isteıdi.
Bul týraly elordalyq Jol polıtsııasy basqarmasynyń baspasóz qyzmetinen habarlady.
Jol polıtseıleriniń negizgi nazary júrgizýshilerdiń Jolda júrý erejesin buzý áreketterine jol bermeýge aýdarylady. Máselen, róldi bas kúıinde basqarǵan, jaıaý júrginshilerdiń quqyǵyn buzǵan, jyldamdyqty asyrǵan, qaýipsizdik beldigin paıdalaný erejelerin elemegen kólik ıeleri anyqtalyp, jaýapkershilikke tartylatyn bolady.
«Onymen birge, Jańa jyl merekesi atap ótiletin kúnderi Astana qalasynyń Іshki ister departamenti Jol polıtsııasy basqarmasynyń quramy halyq kóp shoǵyrlanatyn jerlerge barynsha jumyldyrylatyn bolady», - delingen taratylǵan habarlamada.
