Aldaǵy merekege oraı qosymsha poıyz jáne vagondar jolǵa shyǵaryldy
ASTANA. 17 naýryz. QazAqparat - Halyq tarapynan temirjol tasymalyna suranystyń artýyna baılanysty, «Jolaýshylar tasymaly» aktsıonerlik qoǵamy mereke qarsańynda jáne mereke kúnderi,
ıaǵnı 16-23 naýryzdyń aralyǵynda qosymsha poıyz ben tirkeme vagondardy jolǵa shyǵarady, dep habarlady aktsıonerlik qoǵamnyń baspasóz qyzmetinen.
Atap aıtqanda, Almaty men Astananyń aralyǵynda jeti vagondyq jáne 288 oryndyq №36/35 júrdek poıyzy qatynaıtyn bolatyn. Qosymsha qurama «Astana» stansasynan 18 naýryzda 22 saǵat 05 mınýtta attanady, «Almaty-2» stansasyna 19 naýryz kúni 20 saǵat 53 mınýtta jetedi. Al keri qaraı «Almaty-2» stansasynan 20 naýryz kúni 14 saǵat 44 mınýtta jolǵa shyqsa, «Astana» stansasyna 21 naýryz kúni 13 saǵat 53 mınýtta keledi.
Oǵan qosa, 16-23 naýryz aralyǵynda jolaýshylar poıyzdarynyń shemasyna suranys kóp baǵdarlar boıynsha 134 qosymsha vagon tirkeledi.
