Aldaǵy mereke kúnderi halyqqa qyzmet kórsetý ortalyqtary qalaı jumys isteıdi

ALMATY. QazAqparat – «Azamattarǵa arnalǵan úkimet» memlekettik korporatsııasy halyqqa qyzmet kórsetý ortalyqtarynyń mereke kúnderindegi jumys kestesin jarııalady, dep habarlaıdy QazAqparat tilshisi.

«Azamattarǵa arnalǵan úkimet» memlekettik korporatsııasy baspasóz qyzmetiniń málimetinshe, Qazaqstan halqynyń birligi kúni, Otan qorǵaýshy jáne Jeńis kúnine baılanysty HQKO men mamandandyrylǵan HQKO-lar 1, 8 jáne 9 mamyrda jumys istemeıdi.

«6 mamyr kúni kezekshi HQKO men mamandandyrylǵan HQKO qyzmetkerleri ǵana jumysqa shyǵady. Bul kúni olar azamattarǵa saǵat 13:00-ge deıin qyzmet kórsetedi. Merekelerden keıin, 10 mamyrda barlyq halyqqa qyzmet kórsetý ortalyǵy ádettegi keste boıynsha jumysyn jalǵastyrady», - delingen habarlamada.