Aldaǵy maqsattar Konstıtýtsııa men zańdardyń tártibin múltiksiz saqtaýdy mindetteıdi - N.Nazarbaev
«Konstıtýtsııa - eldiń tabysty damýynyń irgetasy. Búginde Ata zańymyzdyń arqasynda Qazaqstannyń ekonomıkasy damyp keledi. Bizdiń Konstıtýtsııamyz eńbek bostandyǵyna quqyq berip, neke men otbasy, ana men balany memlekettiń qorǵaýyna alyp, halyq densaýlyǵyn saqtaýdy qamtamasyz etedi. Eilimizdiń ata zańy memlekettik bılik birliginiń, onyń barlyq tarmaqtarynyń ózara tıimdi is-qımylynyń negizin qalady. Konstıtýtsııalyq qaǵıdalar negizinde memleket pen azamattyq qoǵam ınstıtýttarynyń áriptestigi iske asyp, jergilikti ózin-ózi basqarý júıesi damyp keledi. Oǵan Táýelsiz Qazaqstan tarıhynda alǵash ret ótken jergilikti ákimder saılaýy dálel bola alady. Konstıtýtsııany buljytpaı oryndaý - Qazaqstandaǵy qoǵamdyq kelisim men saıası turaqtylyqty nyǵaıtýdyń senimdi kepili.
Búginde Qazaqstan 2050 jylǵa deıingi strategııany iske asyrýda. Onyń basty maqsaty - álemniń oq boıy ozyq 30 memlekettiń qataryna ený. Bul jumys Konstıtýtsııa men zańdardyń tártibin múltiksiz saqtaýdy mindetteıdi», - delingen N.Nazarbaevtyń quttyqtaý hatynda.