Aldaǵy qysta alǵash ret kommýnaldyq elektrotehnıkalar qar kúreýge shyǵarylady

ALMATY. QazAqparat - Almatyda bıyl qysta qala kóshelerin qardan tazalaýǵa 100-den astam jańa tehnıka shyǵady, dep habarlaıdy QazAqparat tilshisi.

Almaty ákimdiginiń málimetinshe, jańa tehnıka - elektrokarlar bıyl qysta qala kóshelerin qardan tazalaýǵa shyǵady.

«Almaty Tazalyq» MKQK úshin qalalyq bıýdjetten qosymsha 101 arnaıy tehnıka satyp alý josparlanýda (29-y jetkizildi). Sonymen birge, Qazaqstan boıynsha alǵash ret elektrli kommýnaldyq kólikter qyzmetke shyǵady. Bul — trotýardy tazalaýǵa arnalǵan kóp fýnktsııaly 18 elektrlik mashına (onyń 6-aýy jetkizildi). Olardy Almaty qalasyn 2025 jylǵa deıin damytý baǵdarlamasy men 2030 jylǵa deıingi orta merzimdi perspektıvalardy iske asyrý aıasynda jyl sońyna deıin satyp alý josparlanǵan», - delinedi ákimdiktiń habarlamasynda.

Satyp alynatyn kólikter ekologııalyq taza. Mysaly, Dulevo 6000 CNG álemdegi jalǵyz mehanıkalyq sorǵysh tazalaý tehnıkasy. Onyń mehanıkalyq tazalaýdan aıyrmashylyǵy shań shyǵaryndylaryn joıady. PONY P-4, P-3 jazda trotýarlardy nemese ǵımarattarǵa irgeles jerlerdi tazalaý nemese jýý, joldyń sheti men jıekterinde shóp shabý, gúlzarlardy sýarý úshin paıdalanylady, al qysta qardy tazalaý jáne trotýarlarda, kólik turaqtarynda, tar alleıalarda reagentterdi taratý úshin paıdalanýǵa bolady.Osylaısha, bul kólikter ónimdilikti arttyrady jáne tazalaý ýaqytyn birneshe ese qysqartady.«Búgingi kúni aýdan ákimdikteriniń merdigerleri qysqy kóshe tazalaý jumystaryna daıyndyqty bastady. «Almaty Tazalyq» MKK maýsymaralyq jumystardy aıaqtady. Jeke merdigerler daıyndyq jumystaryn qyrkúıek aıynyń sońyna deıin aıaqtaıdy dep josparlaýda. Qazan aıynda barlyq maýsymdyq tehnıka qysqy merzimge qaıta jabdyqtalady.Qysqy jumystarǵa 818 birlik tehnıka («Almaty Tazalyq» - 619 birlik) jáne 1 240 jumysshy («Almaty Tazalyq» - 724 adam) tartylatyn bolady. Qalyń qar jaýǵan kezde jumysqa qurylys uıymdarynan 150-ge deıin júk kóligi men tıegishter, 1 myńǵa deıin jumysshy tartylatyn bolady», - dep habarlady Almaty ákimdigi.
Aıta keteıik, merdiger uıymdar Almatyda kóktaıǵaq boldyrmaý úshin qajetti qarajat daıyndady.Mamandar, sondaı-aq, qysta qalany tazalaý tehnologııasyn jasap shyqty.