Aldaǵy kúzde «Qazposhta» aktsıonerlik qoǵamy «Halyqtyq IPO» baǵdarlamasy boıynsha ótinishter qabyldaı bastaıdy
ASTANA. 17 shilde. QazAqparat - «Halyqtyq IPO» baǵdarlamasyna «Qazposhta» aktsıonerlik qoǵamynyń 3,5 myńnan astam bólimshesi jumyldyrylady,
dep habarlady atalǵan mekemeniń basqarma tóraǵasynyń orynbasary Ermek Pirimbetov pm.kz saıtyna bergen suhbatynda.
«Qazposhta» AQ baǵdarlamany iske asyrýǵa aldaǵy kúzde daıyn bolady jáne avtomattandyrylǵan jáne avtomattandyrylmaǵan 3,5 myńnan astam baılanys bólimshesi halyqqa qyzmet kórsete bastaıdy»,- dedi E.Pirimbetov óz sózinde.
Qazirgi tańda «Qazposhta» aqparattyq jáne bilim baǵdarlamalaryna qatysýda. Aıta ketý kerek, «Qazposhta» qyzmetkerleriniń qor naryǵy salasyndaǵy biliktilik deńgeılerin arttyrý maqsatynda aǵymdaǵy jyly kásibı mamandardyń kómegimen oqytý sharalary júrgizilip jatyr.
«Biz ótinishter qabyldaý, kelisimsharttar jasaý jónindegi qyzmetter kórsetetin 3 myńnan astam qyzmetkerdi oqyttyq. Kompanııa Almaty, Astana qalalary men iri oblystyq ortalyqtarda ornalasqan brokerlik kompanııalarmen «Qazposhta» qyzmetkerlerin oqytý jónindegi kelisimshartqa otyrdy», - dedi E.Pirimbetov.
«Qazposhta» AQ-nyń aqparaty boıynsha, oqytý semınarlarynyń naýryz-sáýir aılarynda ótken birinshi kezeńinde - «Asyl Invest» AQ-men birlesip 800 adam oqytyldy. Al maýsym-shilde aılarynda ótip jatqan ekinshi kezeńde oblystyq fılıaldardyń transfer-agenttik sektorlarynyń qyzmetkerleri aýyldyq jáne aýdandyq poshta bólimsheleriniń 2469 qyzmetkerin oqytty. Oqytý sharalaryn 24 shildede bastalatyn jáne «Asyl Invest» AQ-nyń oqytý ortalyǵymen birlesip ótkiziletin qaıtalaý semınarlary jalǵastyrady.
Búgingi tańda elimizde brokerlik-dılerlik qyzmetter kórsetýge 61 lıtsenzııa berilgen, olardyń qatarynda barlyq óńirde bólimsheleri bar «Qazposhta» AQ bar.
