Aldaǵy kúzde KASE emıtentteriniń kórmesi ótedi
ASTANA. 26 shilde. QazAqparat - «Halyqtyq ІRO» baǵdarlamasyn qoldaý jáne ony kópshilikke tanystyrý maqsatynda Qazaqstandyq qor bırjasy aldaǵy kúzde emıtentter kórmesin ótkizedi,
dep habarlady bırjanyń baspasóz qyzmetinen pm.kz saıtyna.
«Biz «Halyqtyq ІRO» baǵdarlamasyna áleýetti qatysýshylarǵa jáne ınvestorlarǵa arnap emıtentter kórmesin daıyndap jatyrmyz»,- delingen habarlamada.
KASE bırjasynyń baǵdarlama boıynsha aqparattyq-túsindirý jáne oqytý is-sharalaryn ótkizip jatqanyn buǵan deıin habarlaǵan bolatynbyz. Qazirgi tańda bırja saıtynda «Halyqtyq ІRO» arnaıy paraqshasy ashylyp, onda baǵdarlamaǵa arnalǵan aqparattyq resýrstarǵa siltemeler ornalastyrylǵan.
Oǵan qosa, kúntizbede ınvestorlar úshin naryqqa qatysýshylardyń is-sharalary men anonstary ornalastyrylýda. Bırja sarapshylary BAQ betterinde baǵdarlama boıynsha túsindirmeler berýde, «Samuryq-Qazyna» Ulttyq ál-aýqat qorymen birlesip ІRO boıynsha semınarlarǵa atsalysýda.
«Qazaqstannyń qor bırjasy» AQ «Halyqtyq IPO» baǵdarlamasy aıasynda aktsııa satyp alýǵa ótinimder qabyldap, ótinimder kitabyn qurastyrady, Ortalyq depozıtarııge bırjanyń saýda júıesinde qundy qaǵazdar satyp alý úshin jasalǵan mámileler týraly aqparat jiberedi. Sondaı-aq, KASE ınvestorlar men emıtentterge aqparattyq qoldaý jasaıdy.
