Aldaǵy kúnderi tehnıkalyq jáne kásiptik bilim berý mekemeleriniń qatysýshylary arasynda Oryndaýshylardyń 31-shi respýblıkalyq baıqaýy ótedi

dep habarlaıdy QazAqparat QR Bilim jáne ǵylym mınıstrligine silteme jasap.

Bilim jáne ǵylym mınıstrligi, bilim alýshylardyń kásibı daıarlyǵyn arttyrý, daryndy jastardy anyqtaý, olardyń shyǵarmashylyqtaryna qoldaý bildirý jáne Qazaqstannyń mýzykalyq ónerin nasıhattaý maqsatynda, tehnıkalyq jáne kásiptik bilim oryndarynda oqıtyn jastardyń arasynda Oryndaýshylardyń respýblıkalyq baıqaýyn dástúrli uıymdastyrady.

Bıyl baıqaý «Aspapta oryndaýshylyq» mamandyǵy boıynsha Almaty qalasyndaǵy P. Chaıkovskıı atyndaǵy Almaty mýzykalyq kolledji bazasynda kelesi atalymdar boıynsha ótedi: úrmeli aǵash aspaptar (fleıta, goboı, klarnet, fagot, saksofon-alt, saksofon-tenor), úrmeli mys aspaptar (valtorna, trýba, trombon, týba), urmaly jáne qazaq halyq aspaptary (dombyra, sherter, qobyz-prıma, qylqobyz), orys halyq aspaptary (baıan, akkordeon, gıtara, domra-prıma, domra-bas).

Oryndaýshylardyń 31-shi respýblıkalyq baıqaýyna 17 oqý ornynan barlyǵy 180 jas qatysady dep kútilýde.
Olardyń talaptary men sheberlikterin belgili mádenıet jáne óner qaıratkerlerinen quralǵan qazylar alqasy baǵalaıtyn bolady. Baıqaý qorytyndysy sáýirdiń 22-si kúni shyǵarylady jáne jeńimpazdar marapattalady.