Aldaǵy kúnderi respýblıkanyń soltústiginde qatty jańbyr, burshaq jaýady
NUR-SULTAN. QazAqparat – Qazgıdromet 1-3 maýsymǵa arnalǵan aýa raıy boljamyn jarııalaıdy, dep habarlaıdy QazAqparat.
«Aýqymdy tsıklon respýblıkanyń kóp bóliginde qubylmaly aýa raıyna áser etedi, naızaǵaı kútiledi. 2 maýsymda kúndiz batysta, 3 maýsymda respýblıkanyń soltústiginde qatty jańbyr, burshaq jaýyp, jel kúsheıýi múmkin. Tek respýblıkanyń soltústik jartysynda soltústik-batys antıtsıklony sileminiń áserinen túnde 11...16, keı jerlerde 8, kúndiz 21...26, keı jerlerde 18 gradýs jyly bolady dep boljanady», - delingen habarlada.
