Aldaǵy kúnderi respýblıkanyń basym bóliginde qar jaýady
ASTANA. QazAqparat - «Qazgıdromet» RMK 21-23 qańtarǵa aýa raıy boljamyn usynady.
«Ótken táýlikte Qazaqstan aýmaǵynda eleýli temperatýralyq keraǵarlyqtar baıqaldy. Batysta 19 qańtarda temperatýra aýytqýy 10-12º klımattyq normadan joǵary, shyǵysta 8-12º tómen boldy. Bul shyǵys aýdandardyń aýa raıyn arktıkalyq sýyqpen qýatty antıtsıklon aıqyndaıtynyna baılanysty boldy. Batys oblystar jylý jáne ylǵal qorynyń moldyǵymen ońtústik tsıklon yqpalynda boldy. Qystyń der kezine qaramastan, ońtústiktiń jylylyǵy basymdyq tanytady. 21-23 qańtar kúnderi jyly atmosferalyq aǵyndar shyǵysqa aralasady. Sonyń saldarynan temperatýra kóteriledi. Sondaı-aq qalyń qar túsý, boran, 15-20 m/s jel túrinde kúrdeli meteorologııalyq jaǵdaı kútiledi. Alaıda 21-i ortalyqta, 21-22 qańtarda aıaz saqtalady. Tek respýblıkanyń ońtústik oblystarynda qalyptasqan sýyqqa qaramastan, burynǵysha 3-5º normadan joǵary, jaýyn-shashynsyz bolady», - dep jazylǵan habarlamada.
