Aldaǵy kúnderi N.Sats atyndaǵy balalar men jasóspirimder teatrynyń jańa maýsymy ashylady
ASTANA. 7 qyrkúıek. QazAqparat - 9 qyrkúıekte N.Sats atyndaǵy Memlekettik akademııalyq orys balalar men jasóspirimder teatrynyń jańa maýsymynyń ashylýy ótedi.
Bul jaıynda QR Mádenıet jáne aqparat mınıstrliginiń baspasóz qyzmeti habarlap otyr.
Maýsym Evgenıı Shvartstyń pesasy boıynsha «Skazka o poterıannom vremenı» atty premerasymen ashylady. Spektakldiń qoıýshy rejısseri Alekseı Orlov.
Bul búgingi jasóspirimderdiń ata-analaryna óte jaqsy tanys ertegi. Spektakldiń basty keıipkerleri - ózderiniń tentektigi, sabaqtan ylǵı keshigýi, bir sózben aıtqanda, ýaqyttaryn zaıa ketirgeni úshin qarııalarǵa aınalǵan tilazar balalar.
Spektaklge teatrdyń jetekshi ártisteri - Qazaqstan Respýblıkasynyń eńbek sińirgen ártisi Valerııa Krymskaıa, Lıýbov Boıchenko, Aleksandr Zaıtsev, Evgenıı Efremov qatysady.
Sonymen qatar, spektaklde V. Kýprııatnov, V. Drygalın, R. Prohorov, T. Kostıýchenko, M. Kýprııanova, G.Tobjanov, K.Zolochevskaıa, N.Lýnına, I. Shıtova syndy akterler oınady.
