Aldaǵy kúnderi Qazaqstannyń ońtústigi men shyǵysynda naızaǵaı oınap, jańbyr jaýady
ASTANA. QazAqparat - 5-7 mamyr kúnderi Qazaqstannyń ońtústigi men shyǵysynda naızaǵaı oınap, jańbyr jaýady dep kútilip otyr, dep habarlaıdy «Qazgıdromet» RMK.
«Aldaǵy úsh táýlikte tsıklonnyń jáne onymen baılanysty atmosferalyq aǵyndardyń ótýine baılanysty Qazaqstannyń kóbine ońtústiginde, ońtústik-shyǵysynda jáne shyǵysynda naızaǵaı oınap, jańbyr jaýady dep kútilip otyr. Ońtústik-shyǵystyń taýly aýdandarynda 7 mamyrda mol jaýyn-shashyn túsýi yqtımal. Respýblıkanyń qalǵan bóligi joǵary atmosferalyq qysym alańynda bolady. Sondyqtan munda jaýyn-shashynnyń túsýi ekitalaı. Biraq 7 mamyrda Qazaqstannyń soltústik oblystaryna Ortalyq Ýraldan (RF) atmosferalyq aǵyn aýyp barady. Onymen birge bul aýdandardyń keı jerlerinde naızaǵaıly ótkinshi jańbyrlar jaýmaq», - delingen habarlamada.
