Aldaǵy kúnderi Qazaqstannyń basym bóliginde jel kúsheıip, boran bolady
ASTANA. QazAqparat - 5 jeltoqsanda Islandııada paıda bolǵan tsıklon 8 jeltoqsanda Batys Sibir men Qazaqstanǵa áser etpek.
Bul tsıklon saldarynan eldiń soltústik, ortalyq jáne shyǵys oblystarynda qar jaýyp, boran bolady, batystan soqqan jel 18-25, keı jerlerde 28 m/s deıin kúsheıedi, dep habarlady «Qazgıdromet» RMK 8-10 jeltoqsanǵa arnalǵan aýa raıy boljamynda.
Respýblıkanyń batysy men ońtústiginde jańbyr men ylǵaldy qar jaýyp, tuman jáne kóktaıǵaq bolady dep kútilýde. Munda jel 15-23 m/s kúsheıip, Jambyl oblysynda 25-28 m/s deıin jetýi yqtımal.
