Aldaǵy kúnderi Qazaqstannyń basym bóliginde ótkinshi jańbyr jaýady - Qazgıdromet
ASTANA. QazAqparat - «Qazgıdromet» RMK 10-12 shildege arnalǵan aýa raıy boljamyn usynady.
«Respýblıkamyzdyń batysyna jaıǵasqan tsıklon, jaqyn kúnderi batys, soltústik jáne ortalyq oblystarda qysqa merzimdi nóser shaqyrady. Onyń soltústik-shyǵysqa jyljýyna oraı, Karsk teńizi aýmaǵynan yǵysqan ylǵaldy jáne sýyq aýa 11-12 shilde kúnderi soltústikte, 12 shildede ortalyq jáne shyǵysta jańbyr kútiledi. Keı jerlerde 15-25 m/s jel turyp, jekelegen aýdandarǵa burshaq túsýi múmkin. Temperatýra ádettegiden 2-5º tómen bolady. Elimizdiń ońtústigi men ońtústik-shyǵysyna jaqyn aradaǵy eki kúnde kúndiz 33-38º, keı jerlerde 40-42º ystyq aýa raıy saqtalady. Tek 12 shilde kúni azdaǵan jańbyr jaýyp, ystyqtyń beti azdap qaıtady», - dep jazylǵan habarlamada.
