Aldaǵy kúnderi Qazaqstannyń basym bóliginde aptap ystyq kútiledi
ASTANA. QazAqparat - 30 shilde men 1 tamyz aralyǵynda elimizge aptap ystyq qaıta oralady, dep habarlaıdy «Qazgıdromet».
Sýyq atmosferalyq fronttar jáne olarmen birge Batys Sibir aýdandarynan kelgen aýa Qazaqstannyń soltústik, shyǵys jáne ońtústik-shyǵys oblystaryna tek jaqyn aradaǵy táýlikterge salqyndyqty jáne ótkinshi jańbyrdy ákeldi.
«Al aldymyzdaǵy eki táýlikte respýblıkamyzdyń batys oblystarynyń aýa raıyn anyqtaıtyn antıtsıklon respýblıkanyń barlyq aımaǵyna taralady. Sondyqtan Qazaqstannyń kóp bóliginde jaýyn-shashynsyz aýa raıy kútilýde. Aýa temperatýrasy qaıtadan batysta +30...37º deıin, al ortalyq jáne ońtústiktiń keıbir jerlerinde +38...42º deıin kóteriledi», dep habarlaıdy «Qazgıdromet».
