Aldaǵy kúnderi ǵalamdyq ınternet jelisinde Qazaqstannyń Visitkazakhstan.kz derbes týrıstik saıty paıda bolady

QR Týrızm jáne sport mınıstrliginen málim etkendeı, Visitkazakhstan.kz saıty Qazaqstannyńtýrıstik ımıdjin nyǵaıtý jáne onyń týrıstik ónimderin halyqaralyq naryqqa shyǵarý maqsatynda ázirlenip otyr. Týrızm ındýstrııasy komıteti veb-saıttyń resmı tusaýkeserin shildeniń aldaǵy 30-y kúni Astanada ótkizbek.

Visitkazakhstan.kz - Qazaqstandaǵy týrızmdi jańa qyrynan kórsetetin - respýblıkalyq týrıstik portal. Saıtta elimizdiń barlyq óńirlerindegi - kórnekti oryndar, saıahattar, onlaın rejimde bron jasaýǵa bolatyn qonaq úıler men basqa da qyzmetter túri, turaqty túrde jańartylyp otyratyn oqıǵalar men jańalyqtar jelisi bar.

«Munyń bári ulttyq týrıstik ónim, qajetti týrıstik uıymdar men áriptester týraly aqparatty izdestirýge ýaqytty únemdeıdi», - dep atap ótti mınıstrlikten.

Týrızm dúnıejúzindegi eń iri jáne tez damyp kele jatqan ındýstrııalardyń biri jáne servıs salasyndaǵy domınant bolyp tabylady. Sońǵy jyldary Qazaqstan álemdik týrızm salasynda óziniń oń ımıdjin qalyptastyryp, úlken jetistikterge qol jetkizdi. Visitkazakhstan.kz týrıstik portaly bul úrdisterdi odan ári jyljytýǵa múmkindik beredi dep kútilýde.