Aldaǵy kúnderi elordada aýa raıy jaýyn-shashyndy bolady
ASTANA. 21 qazan. QazAqparat - Sınoptıkterdiń boljamynsha, Astanada jańa jumys aptasynyń basynda kún sýytady, jaýyn-shashyndy bolady.
Bul týraly astana.kz saıtyna «Qazgıdromet» RMK habarlady.
Aldaǵy kúnderi kóshpeli bult shyǵady, azdap jańbyr jaýady. Túnde aýa temperatýrasy 0+5°C, kúndiz +2+11°C bolady.
«Dúısenbi kúni Astanada kún ala bultty bolady, kúndiz ótkinshi jańbyr jaýady. Ońtústikten, ońtústik-batystan 9-14 m/s jyldamdyqpen jel soǵady, tańerteń jáne kúndiz onyń ekpini 15-18 m/s jetedi. Túnde aýa temperatýrasy +3+5°C, kúndiz +9+11°C bolady», - delingen habarlamada.
Seısenbi kúni elordada kóshpeli bult shyǵady, azdap jaýyn-shashyndy bolady. Soltústik-batystan 9-14 m/s jyldamdyqpen jel soǵady, keı jerlerde ekpini 18 m/s jetedi. Túnde aýa temperatýrasy +2+4°C, kúndiz +4+6°C bolady.
Sársenbi kúni Astanada kún ala bultty, jaýyn-shashyndy, sondaı-aq soltústik-batystan 9-14 m/s jel soǵady. Túnde aýa temperatýrasy 0+2°C, kúndiz +3+5°C bolady.
