Aldaǵy kúnderi elimizdiń soltústigi men shyǵysynda úsik saqtalady
NUR-SULTAN. QazAqparat - Sınoptıkter 25-27 mamyrǵa arnalǵan aýa raıynyń boljamyn usyndy, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, aldaǵy úsh táýlikte aýa raıy qubylmaly bolady, jıi jaýyn jaýyp, kún kúrkireıdi jáne ekpindi jel saqtalady.
«Eger elimizdiń ońtústiginde kúndiz aýa plıýs 28...33°S kóteriletin bolsa, al soltústik jáne shyǵys oblystarda túnde 3°S deıin úsik saqtalady.
Bul Qazaqstannyń soltústik aımaǵyna Reseıdiń eýropalyq bóliginiń soltústiginen jáne Jaıyq ózeni boıynan ylǵal jáne sýyq aýa massalarynyń kelýine baılanysty.
Al, ońtústik óńirlerge Ortalyq Azııadan jyly aýa massalary keledi», delingen habarlamada.
