Aldaǵy kúnderi elimizdiń soltústigi men ortalyǵynda aptap ystyqtyń beti qaıtady
NUR-SULTAN. QazAqparat – Sınoptıkter 13-15 maýsymǵa arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
«Elimizdiń basym bóliginde qubylmaly aýa raıy kútiledi, naızaǵaı jarqyldap, jańbyr jaýady, jel kúsheıedi, burshaq jaýýy yqtımal. Soltústik-batys antıtsıklony saldarynan elimizdiń soltústik-batysynda, soltústiginde, ary qaraı ortalyq óńirlerde ystyqtyń beti qaıtady. Tek elimizdiń batysynda jáne ońtústiginde kún raıy ashyq bolady. Al Qazaqstannyń ońtústik-batys, ońtústik jáne ońtústik-shyǵysynda aýa temperatýrasy ári qaraı kóteriledi», delingen boljamda.
