Aldaǵy kúnderi elimizdiń ońtústigi men shyǵysynda kún sýytady
NUR-SULTAN. QazAqparat – Sınoptıkter 2019 jylǵy 5-7 qarashaǵa arnalǵan boljam aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Sınoptıkterdiń málimdeýinshe, sýyq atmosferalyq aǵyndar ákelgen belsendi tsıklon respýblıkanyń batys, ortalyq jáne soltústik oblystarynda aýa temperatýrasynyń tómendeýine, jaýyn-shashyn, ekpindi jel, keı jerlerde burqasyn soǵýyna yqpal etken.
«Qazaqstannyń ońtústiginde de kún sýytyp, jańbyr jaýyp, arty qarǵa ulasty. Aldaǵy táýlikte tsıklon shyǵys baǵytta jyljıdy, elimizdiń ońtústik-shyǵys jáne shyǵysynda jaýyn-shashyn – jańbyr, qar, ekpindi jel kútiledi. Sondyqtan Qazaqstannyń barlyq aýmaǵynda aýa temperatýrasy 0-den tómen bolady, soltústik jartysynda túnde mınýs 2…10°S, ońtústiginde 0…8°S, bul kórsetkish ortasha kópjyldyq normadan 3…6°S tómen», delingen habarlamada.
