Aldaǵy kúnderi elimizdiń keı óńirlerinde kún 41 gradýsqa deıin ysıdy
ASTANA. QazAqparat - «Qazgıdromet» RMK 29 tamyz ben 1 qyrkúıek kúnderine arnalǵan aýa raıy boljamyn jarııalady, dep habarlaıdy QazAqparat.
Respýblıkamyzda ótken táýlikterde aýa temperatýrasy klımattyq normadan 2,7 gradýs joǵary boldy. Aldaǵy kúnderi batys, soltústik, ortalyq jáne shyǵys oblystardyń keı aýdandarynda ótkinshi jańbyr jaýyp, kún kúrkireıdi, biraq eń joǵary aýa temperatýrasy 28-37 gradýs bolady.
Respýblıkanyń ońtústik-batys, ońtústik jáne ońtústik-shyǵys oblystarynda Batys Azııadan óte ystyq aýa keledi, sondyqtan bul jerlerde kún qatty ysyp, kúndizgi aýa temperatýrasy 32-41 gradýsqa deıin kóteriledi. Sondyqtan Qazaqstannyń búkil aýmaǵynda aýa temperatýrasy normadan 2-8 gradýs joǵary bolyp saqtalady.
