Aldaǵy kúnderi elimizdiń basym bóliginde kún ashyq bolady

ASTANA. QazAqparat - Qazaqstan aýmaǵynyń basym bóligi antıtsıklonnyń yqpalynda bolyp, kún ashyq jáne birqalypty jyly bolady dep kútilýde, dep habarlaıdy QazAqparat «Qazgıdromet» RMK baspasóz qyzmetine silteme jasap.

Sınoptıkterdiń málimetinshe, elimizdiń ońtústigi men ońtústik-shyǵysynda atmosferalyq qysymnyń tómen bolýynan kún bultty bolady, naızaǵaı jarqyldap, jańbyr jaýady.

Respýblıka boıynsha tuman túsedi dep kútilýde, ońtústik-batysta shańdy daýyl soǵady, ońtústikte jáne ońtústik-shyǵysta jel kúsheıedi. Jyldyń osy ýaqytynda temperatýralyq fon qolaıly bolady.

Osyǵan deıin Astanada Naýryz meıramynda kún jylynady dep habarlanǵan bolatyn.